اهلا فيك بالمكان اللي راح ينقلك من الحياة الدنيا إلى الحياة الطيبة

أنا أحمد الحجة مدرب في مجال الوعي و الطاقة و التنمية الذاتية، ممارس للتشافي الطاقي، و التحرر المشاعري ..

مش كثير بهمني أحكيلك عن شهاداتي، بس اذا كثير مهتم، ممكن أحكيلك عنهم بعدين

خليني أحكيلك قصتي 😉

هي اللي بتهمك ، ، ،

أنا بعتبر نفسي إنسان عادي، و عادي جدا، بس اللي بميزني اني مريت بألم نفسي و مرض جسدي مش عادي أبداً، خلاني أعيش في قاع الظلمات النفسية و الروحية لسنين و سنين

عشت فيها فترة طويلة كفاية لأنها تخليني على مفترق ٣ طرق، أحلاها مر

كنت بين اني أدخل دوامة الأدوية لعلاج الامراض و المشاكل النفسية و الجسدية، و كان هاد خيار مرفوض تماما؛ لأني عارف انه جسمي ما راح يتحمل

أو اني ألحد، و أكفر بالله، من شدة الألم، و عدم وجود اي تحسن بحياتي !

و عادي عادي، لا تخاف، انا بشاركك اللي مريت فيه، بس انا هسا الحمد لله في قمة الإيمان و الاتصال بإلٰهي. و راح أساعدك توصل لدرجة إيمان لااا توصف

بس خليك معي